Masallıda “Çempionların axtarışındayıq, sən də qoşul!” layihəsi çərçivəsində idman seleksiyası keçirilib
İyunun 5-6-da Masallı Olimpiya Kompleksində “Çempionların axtarışındayıq, sən də qoşul!” layihəsi çərçivəsində 5–12 yaşlı məktəblilər və idmançılar üçün idman seleksiyası keçirilmişdir.
Seleksiyanın əsas məqsədi uşaq və yeniyetmələrin müxtəlif idman növlərinə məqsədyönlü şəkildə istiqamətləndirilməsinə dəstək göstərmək, eyni zamanda perspektivli və istedadlı gəncləri aşkara çıxarmaqdır.
Seleksiya prosesi zamanı iştirakçıların boy, çəki, bel çevrəsi, əl və ayaq ölçüləri kimi fiziki göstəriciləri, eləcə də sürət, elastiklik, balans, reaksiya və dözümlülük testləri yoxlanılmışdır. Bundan əlavə, press hərəkətləri, uzunluğa tullanma, turnikdə dartınma, oturub-qalxma, əl gücü və maneələrin aşılması üzrə bacarıqlar da qiymətləndirilmişdir.
Eyni zamanda seleksiya çərçivəsində güləş, boks, cüdo və taekvondo idman növləri üzrə də ilkin baxış həyata keçirilmişdir.
