Masallılı idmançı Avropa Çempionatında gümüş medal qazandı
Mayın 8–9-da Vilnüs şəhərində keçirilən K-1 Open Açıq Avropa Çempionatında əslən Masallı rayonundan olan idmançı Rəşidli Rəşid uğurlu çıxışı ilə diqqət çəkib.
81 kq çəki dərəcəsində mübarizə aparan idmançı turnirigümüş medalla başa vuraraq ölkəmizi layiqincə təmsil edib.
Qeyd edək ki, Rəşidli Rəşid döyüş idman növləri üzrə əldə etdiyi nailiyyətlərlə tanınır. O, dəfələrlə K-1 versiyası üzrə beynəlxalq turnirlərin qalibi olub. Bununla yanaşı, “Muay-tay” versiyası üzrə keçirilən beynəlxalq turnirdə də çempionluq qazanıb. İdmançı dünya çempionatında çempion adına layiq görülərək böyük uğura imza atıb.
Rəşidli Rəşid həmçinin “Budo” döyüşü üzrə beynəlxalq turnirin qalibi olub, Tay-Kinq Valotudo döyüş növü üzrə keçirilən dünya çempionatında isə dünya çempionu adına sahib çıxıb.
Onun uğurları sırasında İstanbul şəhərində keçirilən OğuzDöyüş Gecəsində birinci yerə layiq görülməsi də xüsusiyer tutur.
Masallılı idmançının beynəlxalq arenalarda qazandığı uğurlar gənc idmançılar üçün nümunə olmaqla yanaşı, Azərbaycan idmanının inkişafına da mühüm töhfə verir.
