14 avqust 2026-cı il tarixində Masallı Rayon İcra Hakimiyyətinin başçısı Araz Əhmədovun Viləş ərazisində sakinlərlə növbəti səyyar görüş-qəbulu keçirilib.

Görüşdə rayon rəhbəri ərazinin tarixi, ziyalıları, ağsaqqalları, mədəniyyəti, məşğuliyyəti, eləcə də sosial-iqtisadi inkişafı barədə məlumat verib. Araz Əhmədov vətəndaş müraciətlərinin yerində dinlənilməsinin və qaldırılan məsələlərin operativ şəkildə araşdırılmasının dövlət-vətəndaş münasibətlərinin daha da möhkəmləndirilməsində mühüm əhəmiyyət daşıdığını vurğulayıb.

Sənədlərlə və vətəndaşların müraciətləri ilə iş sektorunun müdiri Niyazi Bağırov çıxış edərək bildirib ki, ərazidə əvvəlki səyyar qəbul zamanı 2 vətəndaş tərəfindən 4 məsələ qaldırılıb. Onlardan 3-ü müsbət həll olunub, 1 məsələ ilə bağlı isə vətəndaşa qanunvericiliyin tələblərinə uyğun izahat verilib.

Budəfəki qəbul zamanı sakinlər tərəfindən əsasən sosial və şəxsi xarakterli məsələlərlə bağlı müraciətlər səsləndirilib. Müraciətlər aidiyyəti üzrə qeydə alınıb, onların araşdırılması və həlli istiqamətində məsul şəxslərə müvafiq tapşırıqlar verilib.

Rayon rəhbəri bildirib ki, yaşayış məntəqələrinin sosial problemlərinin həlli daim diqqət mərkəzində saxlanılır və bu istiqamətdə tədbirlər mərhələli şəkildə davam etdiriləcək. O, sakinləri fəal olmağa çağıraraq hər bir müraciətin diqqətlə araşdırılacağını və səlahiyyətlər çərçivəsində həllinə çalışılacağını qeyd edib.

Səyyar görüş sakinlər tərəfindən razılıqla qarşılanıb. Vətəndaşlar göstərilən diqqət və qayğıya görə Azərbaycan Respublikasının Prezidenti İlham Əliyevə, Birinci vitse-prezident Mehriban Əliyevaya və Masallı rayon rəhbərliyinə minnətdarlıqlarını bildiriblər.