01 oktyabr 2026-cı il tarixində Masallı rayonunda prokurorluq orqanlarının yaranmasının 108-ci ildönümü və prokurorluq işçilərinin peşə bayramı günü münasibətilə tədbir keçirilib.

Tədbirdə Masallı Rayon İcra Hakimiyyətinin başçısı Araz Əhmədov, Masallı rayon prokuroru Vəli Mustafayev, hüquq-mühafizə orqanlarının rəhbərləri, prokurorluq əməkdaşları və veteranları iştirak ediblər.

Əvvəlcə tədbir iştirakçıları Masallı şəhərində Ulu Öndər Heydər Əliyevin abidəsini ziyarət ediblər. Ulu Öndərin əziz xatirəsi ehtiramla yad olunub, abidəsi önünə gül dəstələri qoyulub və ruhuna dualar oxunub.

Tədbirdə çıxış edənlər prokurorluq orqanlarının ölkəmizdə qanunçuluğun və hüquq qaydasının təmin olunmasında, vətəndaşların hüquq və azadlıqlarının müdafiəsində mühüm rol oynadığını qeyd ediblər. Bildirilib ki, Azərbaycan prokurorluğunun keçdiyi inkişaf yolu dövlətçilik ənənələrinin möhkəmləndirilməsi və hüquqi dövlət quruculuğu istiqamətində həyata keçirilən ardıcıl tədbirlərlə sıx bağlıdır.

Çıxışlarda prokurorluq əməkdaşlarının üzərinə düşən məsuliyyətli vəzifələrdən, qanunun aliliyinin təmin olunması, cinayətkarlığa qarşı mübarizə və vətəndaşların hüquqlarının etibarlı müdafiəsi istiqamətində görülən işlərdən bəhs olunub.

Peşə bayramı münasibətilə prokurorluq əməkdaşlarına fəaliyyətlərində uğurlar, möhkəm cansağlığı və məsuliyyətli xidmətlərində yeni nailiyyətlər arzulanıb.
Tədbir çərçivəsində prokurorluq orqanlarında uzun illər səmərəli fəaliyyət göstərmiş veteranların xidmətləri də diqqətə çatdırılıb və onların peşə fəaliyyətində qazandıqları təcrübənin gənc əməkdaşlar üçün əhəmiyyəti vurğulanıb.
Sonda prokurorluq əməkdaşları və veteranları peşə bayramı münasibətilə təbrik edilib.