Masallı RİH başçısı vətəndaş qəbulu keçirdi
Masallı Rayon İcra Hakimiyyətinin başçısı Araz Əhmədov RİH aparatının inzibati binasında vətəndaş qəbulu keçirib.
Qəbul zamanı rayonun müxtəlif ərazilərindən olan sakinlərin müraciətləri dinlənilib.
Qızılağac kənd sakini ərazidə aparılan asfaltlanma işləri ilə bağlı müraciət edib.
Masallı şəhər sakini yaşadığı evin dam örtüyünün dəyişdirilməsi ilə bağlı köməklik göstərilməsini xahiş edib.
Xıl kənd sakini özü üçün obyekt tikintisini həyata keçirmək məqsədilə torpaq sahəsinin ayrılması ilə bağlı müraciət edib.
Alışanlı kənd sakini şəxsi məsələsi ilə bağlı müraciətinə göstərilən köməyə görə rayon rəhbərinə minnətdarlığını bildirib.
Sığdaş kənd sakininin müraciəti əlillik dərəcəsinin müəyyən edilməsi məsələsi ilə bağlı olub.
Növbəti müraciətdə Masallı şəhər sakini aliment məsələsi ilə əlaqədar məsələni rayon rəhbərinin diqqətinə çatdırıb.
Qəbul zamanı digər sakinlərin müraciətləri də rayon rəhbəri tərəfindən diqqətlə dinlənilib. Müraciətlərin bir qismi yerindəcə həll olunub, digər məsələlərin araşdırılması və müvafiq tədbirlərin görülməsi üçün aidiyyəti üzrə tapşırıqlar verilib.
Vətəndaşların müraciətlərinin operativ şəkildə araşdırılması və qanunvericiliyə uyğun həllinin təmin edilməsi istiqamətində işlər davam etdirilir.
