Masallı rayon İcra Hakimiyyətinin başçısı Araz Əhmədov 09 iyul 2026-cı il tarixində rayon İcra Hakimiyyətinin inzibati binasında növbəti vətəndaş qəbulu keçirib.

Qəbul zamanı rayonun müxtəlif yaşayış məntəqələrindən olan sakinlərin müraciətləri dinlənilib.

Qızılağac kənd sakini məşğulluq məsələsi ilə bağlı müraciətini rayon rəhbərinin diqqətinə çatdırıb.

 Təzə Alvadı kənd sakini torpaq məsələsi ilə əlaqədar müraciət edib.

Xıl kənd sakini isə DOST Mərkəzində əmək müqaviləsinin başa çatdığını bildirərək yenidən işlə təmin olunmasına köməklik göstərilməsini xahiş edib.

Şərəfə kənd sakini özünə məxsus olduğunu bildirdiyi obyektlə bağlı layihə məsələsinin həllinə köməklik göstərilməsini istəyib. 

Xırmandalı kənd sakini maddi yardım göstərilməsi ilə bağlı müraciət edib. 

Lürən kənd sakini evinin yanması nəticəsində ağır vəziyyətə düşdüyünü bildirərək maddi köməklik göstərilməsini xahiş edib.

Köhnə Alvadı kənd sakini əmlak mübahisəsi ilə bağlı müraciətini səsləndirib,

Şıxlar kənd sakini isə tikinti məsələləri ilə əlaqədar müraciətini rayon rəhbərinin diqqətinə çatdırıb.

Vətəndaşların müraciətləri Masallı rayon İcra Hakimiyyətinin başçısı Araz Əhmədov tərəfindən diqqətlə dinlənilib.

Müraciətlərin bir qismi yerində araşdırılaraq müvafiq izahatlar verilib və həlli istiqamətində operativ tədbirlər görülüb.
Digər müraciətlər isə araşdırılması və qanunvericiliyə uyğun həll edilməsi məqsədilə aidiyyəti qurumlara yönləndirilib.