Masallıda rayon İcra Hakimiyyəti başçısının birinci müavini Tohid Hüseynovun rəhbərliyi ilə vətəndaş qəbulu keçirilib
04 iyun 2026-cı il tarixində Masallı rayon İcra Hakimiyyətinin inzibati binasında vətəndaş qəbulu keçirilib. Qəbulu Masallı rayon İcra Hakimiyyəti başçısının birinci müavini Tohid Hüseynov həyata keçirib.
Qəbul zamanı vətəndaşlar tərəfindən ünvanlı dövlət sosial yardımı, birdəfəlik maddi yardımın göstərilməsi, sosial təminat, səhiyyə, sosial müdafiə, məşğulluğun təmin edilməsi, habelə digər sosial xarakterli məsələlərlə bağlı müraciətlər səsləndirilib.
Qəbul zamanı Masallı şəhər sakinləri tərəfindən maddi yardım, o cümlədən təbii qaz təchizatı sahəsində yaranmış problemlərlə bağlı müraciətlər, Digah qəsəbəsi sakini tərəfindən sosial təminat,
Alışanlı kənd sakini tərəfindən səhiyyə, Şərəfə kənd sakini tərəfindən sosial müdafiə,
Güllütəpə kənd sakini tərəfindən isə məşğulluq məsələləri ilə əlaqədar müraciətlər səsləndirilib. Həmçinin vətəndaşlar tərəfindən digər sosial və ictimai əhəmiyyətli məsələlərə dair müraciətlər də diqqətə çatdırılıb.
Rayon İcra Hakimiyyəti başçısının birinci müavini Tohid Hüseynov tərəfindən vətəndaşların müraciətləri ətraflı dinlənilib, qaldırılan məsələlərin mahiyyəti araşdırılıb.
Müraciətlərin bir hissəsi üzrə vətəndaşlara müvafiq izahatlar verilərək məsələlər yerində həll olunub. Araşdırılması və əlavə tədbirlərin görülməsi tələb olunan müraciətlər isə aidiyyəti qurumlara yönləndirilib, onların həlli ilə bağlı müvafiq tapşırıqlar verilib və icrası nəzarətə götürülüb.
