Millət vəkili Məşhur Məmmədovun seçici qəbulları: Vətəndaş müraciətləri dinlənilir, həll mexanizmləri gücləndirilir
Millət vəkili Məşhur Məmmədov tərəfindən Masallı rayonunda seçicilərlə növbəti qəbul keçirilib.
Qəbul Yeni Azərbaycan Partiyası Masallı rayon təşkilatının inzibati binasında baş tutub. Görüş zamanı vətəndaşların müraciətləri fərdi qaydada dinlənilib, səsləndirilən problemlər və təkliflər diqqətlə araşdırılıb.
Millət vəkili tərəfindən səlahiyyət çərçivəsində operativ həlli mümkün olan məsələlər yerində həll olunub, əlavə araşdırma və zaman tələb edən müraciətlərlə bağlı isə aidiyyəti qurumlara yönləndirilməsi üçün müvafiq qeydlər aparılıb və vətəndaşlara lazımi istiqamətlər verilib.
