30 aprel 2026-cı il tarixində Masallı rayonunda Ümummilli Lider Heydər Əliyevin anadan olmasının 103-cü ildönümünə həsr olunmuş növbəti tədbir keçirilib.

Tədbirdə Masallı Rayon İcra Hakimiyyətinin başçısı Araz Əhmədov, Milli Məclisin deputatları Məşhur Məmmədov və Cavanşir Paşazadə, Yeni Azərbaycan Partiyası Masallı rayon təşkilatının sədri Seyfəddin Əliyev, rayonun hüquq-mühafizə orqanlarının və təhsil idarələrinin rəhbərləri, ictimaiyyət nümayəndələri, eləcə də rayon sakinləri iştirak ediblər.

Festival çərçivəsində kitab sərgiləri təşkil olunub, oxucular üçün müxtəlif maarifləndirici proqramlar təqdim edilib və kitabın cəmiyyət həyatındakı əhəmiyyəti xüsusi vurğulanıb.

Çıxışlarda bildirilib ki, bu cür tədbirlərin yalnız rayon mərkəzində deyil, kənd yaşayış məntəqələrində də keçirilməsi olduqca vacibdir. Xüsusilə rəqəmsal dövrə inteqrasiya mərhələsində gənclər və vətəndaşlar arasında kitaba marağın artırılması, mütaliə vərdişinin formalaşdırılması baxımından belə festivallar mühüm əhəmiyyət daşıyır.

Qeyd olunub ki, qarşıdan gələn yay mövsümündə zəngin cənub mətbəxi və əsrarəngiz təbiəti ilə seçilən Masallı rayonu həm turistlər, həm də yerli sakinlər üçün cəlbedici məkanlardan biridir. Təbiətin qoynunda kitab oxumaq isə istirahətin ən faydalı və mənalı formalarından hesab olunur.

Ümummilli Lider Heydər Əliyevin anadan olmasının 103-cü ildönümü münasibətilə rayonda silsilə tədbirlərin davam etdiyi bildirilib.