Masallıda rayon rəhbəri vətəndaş qəbulu keçirdi
30 aprel 2026-cı il tarixində Masallı Rayon İcra Hakimiyyətinin başçısı cənab Araz Əhmədov tərəfindən növbəti vətəndaş qəbulu keçirilib.
Qəbul zamanı vətəndaşların müxtəlif məzmunlu müraciətləri dinlənilib. İlk olaraq Masallı şəhər sakini əlillik dərəcəsinin müəyyən olunması ilə bağlı müraciətini rayon rəhbərinin diqqətinə çatdırıb.
Daha sonra həyatyanı sahəyə gedən yolun asfalt örtüyü ilə təmin olunması barədə müraciət səsləndirilib. Növbəti müraciət səhiyyə məsələləri ilə bağlı olub və vətəndaş tərəfindən aidiyyəti məsələ rayon rəhbərinə təqdim edilib.
Bununla yanaşı, torpaq məsələsi ilə bağlı da vətəndaş müraciəti qeydə alınıb. Digər sosial və məişət xarakterli müraciətlər də rayon rəhbəri tərəfindən diqqətlə dinlənilib.
Qəbul zamanı səsləndirilən müraciətlər qeydiyyata alınıb, bir qismi yerindəcə öz həllini tapıb, digər məsələlərin həlli istiqamətində isə aidiyyəti qurumlara müvafiq tapşırıqlar verilib və müraciətlər baxılması üçün yönləndirilib.
