Cənub Bölgəsi Azərbaycanda Doğum Sayına Görə İkinci Yerdədir – 2025-ci ildə 10 mindən çox uşaq dünyaya gəlib
Dövlət Statistika Komitəsinin məlumatına əsasən, Lənkəran-Astara iqtisadi rayonunda il ərzində ümumilikdə 10 min 640 doğum qeydə alınıb. Bu göstərici ilə cənub bölgəsi Bakıdan sonra respublika üzrə ən çox doğum qeydə alınan ikinci ərazi olub.
Məlumata görə, bölgədə hər 1000 nəfərə düşən doğum əmsalı 11,2 təşkil edib ki, bu da ölkə üzrə orta göstəricidən (9,4) yüksəkdir.
Cənub rayonları arasında ən çox doğum Cəlilabad rayonunda qeydə alınıb. Belə ki, burada 3 061 uşaq dünyaya gəlib. Masallı rayonunda bu göstərici 2 186, Lənkəran rayonunda isə 1 959 olub.
Bununla yanaşı, Astara rayonunda 1 424, Lerik rayonunda 1 022, Yardımlı rayonunda isə 988 doğum qeydə alınıb.
Qeyd edək ki, doğum əmsalına görə Yardımlı (14,2) və Cəlilabad (13,9) rayonları yalnız regionda deyil, ölkə üzrə də yüksək göstəricilərlə seçilib.
Mütəxəssislər bu dinamikanı bölgədə ailə ənənələrinin güclü olması, demoqrafik artımın stabil davam etməsi və gənc ailələrin sayının çoxluğu ilə əlaqələndirirlər.
