Masallı rayon İcra Hakimiyyətində növbəti vətəndaş qəbulu keçirilib
11 iyun 2026-cı il tarixində Masallı Rayon İcra Hakimiyyətinin inzibati binasında növbəti vətəndaş qəbulu keçirilmişdir.
Qəbul Masallı rayon İcra Hakimiyyəti başçısının birinci müavini Tohid Hüseynov tərəfindən həyata keçirilmişdir. Qəbul zamanı rayonun müxtəlif yaşayış məntəqələrindən olan vətəndaşların müraciətləri dinlənilmişdir.
Müraciətlər əsasən səhiyyə, torpaq məsələləri, maddi yardım, məşğulluq və digər sosial məsələləri əhatə etmişdir. Belə ki, Masallı şəhər sakini səhiyyə ilə bağlı,
digər Masallı şəhər sakini torpaq məsələsi ilə əlaqədar,
Çaxırlı kənd sakini maddi dəstək göstərilməsi barədə,
Xıl kənd sakini isə məşğulluq məsələləri ilə bağlı müraciət etmişdir.
Qəbul zamanı vətəndaşların bütün müraciətləri RİH-başçısının birinci müavini Tohid Hüseynov tərəfindən diqqətlə dinlənilmiş, qaldırılan məsələlərin bir qismi yerindəcə öz həllini tapmışdır. Araşdırılması tələb olunan digər müraciətlər isə aidiyyəti qurumlara yönləndirilmiş, onların qanunvericiliyin tələblərinə uyğun şəkildə araşdırılması və həlli nəzarətə götürülmüşdür.
Masallı rayon İcra Hakimiyyəti tərəfindən vətəndaş müraciətlərinə həssaslıqla yanaşılması, onların problem və təkliflərinin operativ şəkildə araşdırılması istiqamətində müvafiq tədbirlər davam etdirilir.
