Milli Məclisin deputatı Məşhur Məmmədov növbəti vətəndaş qəbulu keçirdi
Milli Məclisin deputatı Məşhur Məmmədov Yeni Azərbaycan Partiyasının Masallı rayon təşkilatının inzibati binasında növbəti vətəndaş qəbulu keçirib. Qəbul zamanı vətəndaşların müraciət və təklifləri dinlənilib, onları narahat edən məsələlər ətrafında geniş fikir mübadiləsi aparılıb. Deputat tərəfindən qaldırılan problemlərin operativ həlli istiqamətində müvafiq tədbirlərin görülməsinin vacibliyi vurğulanıb.
Qəbulda YAP Masallı rayon təşkilatının sədri Seyfəddin Əliyev, Masallı Rayon İcra Hakimiyyətinin Şəhid ailələri və qazilərlə iş şöbəsinin müdiri Qəşəm Hadıyev və “Masallı Təhsil Fondu”nun icraçı direktoru Hüseyn Hüseynov iştirak ediblər.
Görüş zamanı qəbula yazılan bütün vətəndaşlar fərdi qaydada qəbul edilərək müraciətləri diqqətlə dinlənilib. Səsləndirilən məsələlərin bir qismi yerində araşdırılaraq həllini tapıb, digər müraciətlər isə aidiyyəti qurumlara yönləndirilib və nəzarətə götürülüb.
