04 may 2026-cı il tarixdə N.Gəncəvi adına Masallı Rayon Mədəniyyət Mərkəzində mədəniyyət sahəsində uzun illər müxtəlif vəzifələrdə çalışmış, Yeni Azərbaycan Partiyasının veteran üzvü, Azərbaycan Mədəniyyət İşçiləri Həmkarlar İttifaqının Masallı Rayon Komitəsinin sədri İsmailov Vəkil Əli oğlunun 70 illik yubiley tədbiri keçirilmişdir.

Tədbirdə Lənkəran-Astara Regional Mədəniyyət İdarəsinin rəisi Bəxtiyar Qılıncov, Yeni Azərbaycan Partiyası Masallı rayon təşkilatının sədri Seyfəddin Əliyev, Lənkəran-Astara Regional Gənclər və İdman İdarəsinin Masallı rayon sektorunun müdiri, Sabiq Cahangirov və digər ictimaiyyət nümayəndələri iştirak etmişlər.

Tədbirdə Yeni Azərbaycan Partiyası Masallı rayon təşkilatının sədri Seyfəddin Əliyev çıxış edərək Vəkil müəllimin İsmayılovun mədəniyyət sahəsindəki səmərəli fəaliyyətindən, ictimai həyatdakı fəallığından və partiya sıralarında göstərdiyi xidmətlərdən bəhs etmiş, onu 70 illik yubileyi münasibətilə səmimi-qəlbdən təbrik etmişdir. Daha sonra Vəkil müəllimə fəxri fərman və qiymətli hədiyyə təqdim olunmuşdur.

Yubiley tədbirində çıxış edən digər natiqlər də Vəkil müəllimin uzun illər ərzində mədəniyyət sahəsinə verdiyi dəyərli töhfələri yüksək qiymətləndirərək onun peşəkarlığını, zəhmətkeşliyini və ictimai fəallığını xüsusi vurğulamış, ona möhkəm can sağlığı, gələcək fəaliyyətində uğurlar arzulamışlar.