Masallıda X və XI siniflər üzrə təmayül siniflərinə şagird qəbulu elan olunur
Lənkəran-Astara Regional Təhsil İdarəsinin tabeliyində fəaliyyət göstərən Masallı rayonu üzrə aşağıdakı ümumi təhsil müəssisələrində 2026–2027-ci tədris ili üçün X və XI siniflərə şagird qəbulu elan edilir. Məktəblər üzrə qeydiyyat aşağıdakı link vasitəsilə həyata keçirilir.
Masallı şəhəri İntiqam Əsgərli adına 3 nömrəli tam orta ümumtəhsil məktəbi
Masallı rayonu Bədəlan kənd tam orta ümumtəhsil məktəbi
Təmayül siniflərinə qəbul üçün qeydiyyat linki:
https://forms.gle/B2e2p6ygbSVPGkcL7
TƏMAYÜLLƏŞMƏ MODELİ — NƏ QAZANDIRIR?
Təmayülləşmə modeli şagirdi bütün fənlər üzrə ümumi hazırlıqla kifayətlənməkdən çıxararaq, maraq və qabiliyyətinə uyğun istiqamətdə daha dərin bilik əldə etməsinə şərait yaradır.
Şagird üçün – seçdiyi sahə üzrə bilik və bacarıqlarını inkişaf etdirməyə, ali təhsilə daha hazırlıqlı şəkildə qədəm qoymağa imkan verir.
Valideyn üçün – övladının gələcək peşə seçimini daha erkən müəyyənləşdirməyə, əlavə hazırlıq xərclərini azaltmağa kömək edir.
Müəllim üçün – eyni istiqamətə maraq göstərən şagirdlərlə daha səmərəli işləmək imkanı yaradaraq tədrisin keyfiyyətini yüksəldir.
Cəmiyyət üçün – elm, tibb, mühəndislik, humanitar və digər sahələr üzrə peşəkar, hazırlıqlı və rəqabətqabiliyyətli kadrların yetişməsinə zəmin yaradır.
Təmayülləşmə hər bir şagirdin öz potensialını reallaşdırmasına, hər sahənin isə gələcəyin peşəkar mütəxəssisləri ilə təmin olunmasına xidmət edir.
