Millət vəkili Məşhur Məmmədovun təşəbbüsü ilə Masallıda Qurban bayramı münasibətilə 3,4 Ton qurban əti paylanılıb
Milli Məclisin deputatı Məşhur Məmmədovun təşəbbüsü ilə Masallı rayonunda Qurban bayramı münasibətilə genişmiqyaslı xeyriyyə aksiyası təşkil olunub.
Belə ki, millət vəkilinin seçiciləri arasında ümumilikdə 1561 nəfərə 3400 kiloqrama yaxın qurban əti paylanılıb.
Bayram sovqatları şəhid ailələrinə, qazilərə, Vətən müharibəsi iştirakçılarına, eləcə də ahıl, aztəminatlı və sosial qayğıya ehtiyacı olan ailələrə çatdırılıb.
Qurban payı alan vətəndaşlar sırasında 66 şəhid ailəsi üzvü, 129 qazi, 311 Vətən müharibəsi iştirakçısı, həmçinin 1055 nəfər ahıl və sosial təminatı zəif ailələrin nümayəndələri yer alıb.
Həyata keçirilən xeyriyyə aksiyası Qurban bayramının mənəvi dəyərlərinin yaşadılmasına, sosial həmrəyliyin və yardımlaşma ənənələrinin daha da möhkəmləndirilməsinə xidmət edib.
Vətəndaşlar göstərilən diqqət və qayğıya görə deputat Məşhur Məmmədova minnətdarlıqlarını ifadə edərək, bu cür təşəbbüslərin cəmiyyətin həssas təbəqələrinin dəstəklənməsi baxımından xüsusi əhəmiyyət daşıdığını vurğulayıblar.
