Azərbaycanın dövlət müstəqilliyi haqqında Konstitusiya Aktının əsas müəllifi, Lənkəran Dövlət Universitetinin qurucusu və ilk rektoru olmuş, tarix elmləri doktoru, professor Hacıbaba Əzimov vəfat edib.

Hacıbaba Əzimov 1 avqust 1938-ci ildə Lənkəran şəhərində anadan olmuşdur.
✓1955-ci ildə Lənkəran şəhər 3 saylı orta məktəbini, 1960-cı ildə Azərbaycan Dövlət Universitetinin (indiki BDU) tarix fakültəsini, 1966-cı ildə isə Elmlər Akademiyası (EA)Tarix İnstitunun aspiranturasını bitirmişdir.

✓H.Əzimov ayrı-ayrı vaxtlarda Arxivlər İdarəsinin baş elmi işçisi- baş inspektoru, EA Tarix İnstitunun elmi işçisi və Pedaqoji İnstitutda (indiki ADPU) müxtəlif vəzifələrdə çalışmışdır.
✓1990-cı ildə Azərbaycanın xalq deputatı seçilmişdir.
✓1991-ci ildə SSRİ-nin saxlanması ilə bağlı Azərbaycanda referendum keçirilməsinin əleyhinə, Azərbaycanın isə müstəqil olmasına səs vermiş cəmi 43 nəfər deputatdan (halbuki səsvermədə 350 nəfər deputat iştirak edib) biri olmuş, həmin deputatlarla birlikdə cəmiyyətdə "istiqlalçı deputat" olaraq tanınmışdır.
✓1991-1992-ci illərdə Bakı Dövlət Universitetinin Lənkəran Filialının təşkilatçısı və direktoru (1991-1992) olmuşdur.
✓1992-1997-ci illərdə Lənkəran Dövlət Universitetinin (LDU) qurucusu və ilk rektoru olmuşdur.