Masallıda dövlət qulluqçularının sayı açıqlanıb - STATİSTİKA
“Dövlət qulluğu haqqında” Azərbaycan Respublikası Qanununun qəbulundan ötən dövr ərzində dövlət qulluğu sahəsində geniş qanunvericilik bazası yaradılmış, həyata keçirilmiş islahatlar nəticəsində Azərbaycanda müasir dövlət qulluğu sistemi formalaşmış, dövlət qulluqçularının peşəkarlığının artırılması və sosial müdafiəsinin gücləndirilməsi məqsədilə zəruri addımlar atılmışdır.
Masallı Rayon Statistika İdarəsindən verilən məlumatda bildirilir ki, 2026-ci il yanvarın 1-nə Masallı rayonunda dövlət qulluqçularının sayı 194 nəfər olmuşdur ki, onların da 12,4faizini qadınlar təşkil edir. Dövlət qulluqçularının 84,0 faizi dövlət orqanlarında inzibati vəzifələr, 16,0 faizi isə dövlət qulluğunun yardımçı vəzifələri üzrə işləmişdir.
Dövlət qulluqçularının 3,1 faizi 1 ilədək, 20,6 faizi 1 ildən 5 ilədək, 34,0 faizi 5 ildən 10 ilədək, 22,2 faizi 10 ildən 15 ilədək, 20,1 faizi isə 15 il və daha çox qulluq stajına malikdir.
Dövlət qulluqçularının 11,9 faizini 25-29 yaşda, 16,0 faizini 30-34 yaşda, 19,1 faizini 35-39 yaşda, 11,3 faizini 40-44 yaşda, 9,3 faizini 45-49 yaşda, 11,3 faizini 50-54 yaşda, 7,8faizini 55-59 yaşda, 11,3 faizini 60-64 yaşda, 2,0 faizini isə 65 və yuxarı yaşda olan şəxslər təşkil edir.
