
Masallı şəhərində yerləşən Yuxarı Baş məscidinin qarşısındakı yolun vəziyyətinin yaxşılaşdırılması məqsədilə əraziyə çınqıl daşı tökülüb.

Görülən işlər Masallı Rayon İcra Hakimiyyətinin təşəbbüsü və Masallı Bələdiyyəsinin təşkilatçılığı ilə həyata keçirilib. Aparılan abadlıq tədbirləri nəticəsində yolun hərəkət üçün yararlılığı artırılıb, sakinlərin və nəqliyyat vasitələrinin gediş-gəlişi daha rahat və təhlükəsiz olub.

Ərazi sakinləri görülən işlərə görə Masallı Rayon İcra Hakimiyyətinin başçısı Araz Əhmədov və Masallı Bələdiyyəsinə təşəkkürlərini bildirərək, göstərilən diqqət və qayğını yüksək qiymətləndiriblər.