Masallının Ərkivan qəsəbəsində məktəbdə aparılan təmir işlərinə baxış keçirilib
Masallı Rayon İcra Hakimiyyətinin başçısı Araz Əhmədov Ərkivan qəsəbəsində yerləşən C.Cabbarlı adına 1 saylı tam orta məktəbdə Təhsil Nazirliyi tərəfindən həyata keçirilən təmir işləri ilə yerində tanış olub.
Baxış zamanı Ərkivan qəsəbə inzibati ərazi dairəsi üzrə nümayəndəliyin əməkdaşları, məktəb rəhbərliyi və aidiyyəti şəxslər iştirak ediblər.
Rayon rəhbərinə məktəbdə aparılan təmir işlərinin gedişi, görülmüş işlərin mövcud vəziyyəti və qarşıda duran məsələlər barədə ətraflı məlumat verilib.
Araz Əhmədov görülən işlərlə tanış olaraq təmir işlərinin keyfiyyətlə, müəyyən edilmiş standart və tələblərə uyğun şəkildə həyata keçirilməsinin vacibliyini vurğulayıb. Rayon rəhbəri işlərin gedişi ilə bağlı aidiyyəti şəxslərə müvafiq tövsiyə və tapşırıqlarını verib.
Qeyd olunub ki, məktəbdə müasir və əlverişli təhsil mühitinin yaradılması, şagirdlərin rahat və təhlükəsiz şəraitdə təhsil almasının təmin edilməsi əsas prioritetlərdəndir.
