24 sentyabr 2026-cı il tarixində Masallı Rayon İcra Hakimiyyətinin başçısı Araz Əhmədov İcra Hakimiyyətinin inzibati binasında vətəndaş qəbulu keçirib.

Qəbulda rayon icra hakimiyyətinin məsul əməkdaşları, idarə və müəssisə rəhbərləri, ərazi nümayəndələri və bələdiyyə sədrləri iştirak ediblər.

Qəbul zamanı Yeddioymaq kənd sakini tikinti məsələləri ilə bağlı müraciətini səsləndirib.

Yeni Zuvand kənd sakini qaz təchizatı ilə bağlı müraciət edib.

Qızılavar kənd sakini səhiyyə məsələləri ilə bağlı müraciət edib. 

Növbəti Qızılavar sakini yaşadığı evin həyətyanı sahəsində su axınının təmin edilməsi məqsədilə su yolunun açılması ilə bağlı müraciət edib.

Viləş kənd sakini həyat yoldaşının səhhəti ilə əlaqədar köməklik göstərilməsi barədə müraciətini diqqətə çatdırıb.

Xallıcalı kənd sakini ərazidə transformatorun quraşdırılması ilə bağlı xahişini rayon rəhbərinin diqqətinə çatdırıb.

Sığdaş kənd sakini əlillik dərəcəsinin bərpası üçün müraciət edib.

Qodman kənd sakini torpaq məsələləri ilə bağlı müraciətini diqqətə çatdırıb.

Boradigah qəsəbə sakini isə qaz borcu ilə bağlı müraciət edib.

Rayon rəhbəri digər vətəndaşların da müraciətlərini dinləyərək onların həlli ilə bağlı aidiyyəti üzrə məsul şəxslərə müvafiq tapşırıqlar verib.

Müraciətlərin bir qismi yerində həll olunub, digər məsələlərin isə qanunvericiliyin tələblərinə uyğun şəkildə araşdırılaraq həlli istiqamətində tədbirlərin görülməsi tapşırılıb.