Millət vəkili Məşhur Məmmədov Masallıda növbəti vətəndaş qəbulu keçirdi
Bu gün Milli Məclisin deputatı Məşhur Məmmədov Yeni Azərbaycan Partiyasının Masallı rayon təşkilatının inzibati binasında növbəti vətəndaş qəbulu keçirib.
Vətəndaş müraciətlərinin operativ araşdırılması və həlli məqsədilə qəbulda Yeni Azərbaycan Partiyası Masallı rayon təşkilatının sədri Seyfəddin Əliyev, Masallı Rayon İcra Hakimiyyəti başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, eləcə də Masallı Təhsil Fondunun rəhbəri Hüseyn Hüseynov iştirak ediblər.
Qəbul zamanı vətəndaşların müraciətləri fərdi qaydada dinlənilib, onları narahat edən məsələlər ətraflı araşdırılıb. Qaldırılan problemlərin bir qismi yerində həllini tapıb, digər müraciətlərin aidiyyəti üzrə araşdırılması və həlli məqsədilə müvafiq dövlət qurumlarına yönləndirilməsi üçün tapşırıqlar verilib.
Deputat Məşhur Məmmədov vətəndaşlarla birbaşa ünsiyyətin, onların müraciət və təkliflərinin dinlənilməsinin daim fəaliyyətinin əsas istiqamətlərindən biri olduğunu bildirib. Qeyd olunub ki, hər bir müraciətə həssaslıqla yanaşılır, qaldırılan məsələlərin qanunvericiliyin tələblərinə uyğun şəkildə həlli istiqamətində zəruri tədbirlər bundan sonra da ardıcıl olaraq davam etdiriləcək.
