Masallı məhsulları beynəlxalq sərgidə diqqət mərkəzində – Deputat Məşhur Məmmədov stendi ziyarət edib
Milli Məclisin deputatı Məşhur Məmmədov 06 may 2026-cı il tarixində həmkarı Tahir Mirişli ilə birlikdə Bakı Ekspo Mərkəzində keçirilən 19-cu Azərbaycan Beynəlxalq Kənd Təsərrüfatı Sərgisində iştirak edib.
Deputatlar sərgi çərçivəsində Masallı rayonunun məhsullarının təqdim olunduğu stendi də ziyarət ediblər. Bildirilib ki, bölgənin zəngin təbii resurslarını, zəhmətkeş insanların əməyini və milli ənənələri özündə əks etdirən bu məhsullar yüksək keyfiyyəti və təbii dadı ilə seçilir.
Qeyd olunub ki, Masallı istehsalçılarının belə beynəlxalq platformalarda təmsil olunması onların daha geniş tanınmasına, satış bazarlarının genişlənməsinə və regionun iqtisadi potensialının daha da güclənməsinə mühüm töhfə verir.
