Təhsilə göstərilən diqqət və qayğı gələcəyimizin etibarlı təminatıdır
Masallı rayon İcra Hakimiyyətinin başçısı Araz Əhmədovun rayonda digər sahələrə olduğu kimi təhsil sahəsinə də göstərdiyi diqqət və qayğı xüsusi əhəmiyyət kəsb edir. Gənc nəslin bilikli, vətənpərvər və dünyagörüşlü formada yetişdirilməsi istiqamətində həyata keçirilən tədbirlərə dəstək göstərilməsi, təhsil müəssisələrinin inkişafına həssas yanaşılması və müəllim əməyinə verilən dəyər bu sahəyə olan yüksək münasibətin bariz nümunəsidir.
Təhsil cəmiyyətin inkişafının əsas sütunlarından biridir. Bu baxımdan Masallıda rayon rəhbərinin təhsilin inkişafını daim diqqət mərkəzində saxlaması, məktəblərdə tədris prosesinin daha səmərəli təşkilinə, şagirdlərin nailiyyətlərinin artmasına və ümumilikdə təhsil mühitinin daha da təkmilləşdirilməsində mühüm rol oynayır.
Masallı rayonunda təhsil sahəsində əldə olunan uğurlar, həyata keçirilən layihələr və yaradılan əlverişli şərait göstərilən diqqət və qayğının real nəticələridir. Bu sahədə aparılan ardıcıl işlər təhsil mühitinin daha da təkmilləşdirilməsinə, gənclərin intellektual inkişafına və gələcək uğurlarının təmin olunmasına xidmət edir.
Biz də öz növbəmizdə, CenubMedia.Az kollektivi olaraq, Masallı rayonunda təhsil sahəsinə göstərilən davamlı diqqət və qayğıya görə Masallı rayon İcra Hakimiyyətinin başçısı cənab Araz Əhmədova və Masallı rayon Təhsil Sektorunun müdiri Elman Rzayevə dərin minnətdarlığımızı bildiririk.
