Masallı futbolunun növbəti uğuru – “Viləş PFK”nın yetirməsi milli komandaya seçimdə fərqləndi

“Viləş PFK”nın aşağı yaş qrupu üzrə futbolçusu Rəhimov Əkrəm Mahir oğlu 15 may 2026-cı il tarixində 7 nəfər həmyaşıdı ilə birlikdə Masallı rayonundan Bakı şəhərinə yollanaraq “Cənub Elit” komandasından Azərbaycan Milli Komandasının U-15 yaş qrupu üzrə keçirilən seçim müsabiqəsində iştirak edib.

Seçimlərin nəticəsinə əsasən, Əkrəm Rəhimov Masallı rayonundan yeganə seçilən futbolçu olub. Bununla yanaşı, cənub bölgəsindən 1 nəfər Cəlilabad rayonundan, 4 nəfər isə Lənkəran rayonundan seçim mərhələsini uğurla keçib.

22 yanvar 2013-cü il təvəllüdlü Əkrəm hazırda U-13 yaş qrupu üzrə çıxış edir. O, 15 yaşı tamam olduqdan sonra Azərbaycan Milli Komandasının U-15 heyətində ölkəmizin şərəfini qorumağa namizədlərdən biri olacaq.

Qeyd edək ki, Əkrəm Rəhimov 2023–2024 mövsümündə Sabah FK tərəfindən təşkil olunan seçimlərdə uğurla iştirak edərək klubun akademiyasına transfer olunub.

Gənc futbolçunun ilk məşqçisi “Viləş PFK”nın UEFA dərəcəli baş məşqçisi Bəxtiyar Mehrəliyev olub. Əkrəmin futbol bacarıqlarının formalaşmasında və inkişafında onun xüsusi əməyi vardır.

“Viləş PFK” klubunun prezidenti Mirələm Həşimovdur. Klub rəhbərliyi tərəfindən aşağı yaş qruplarına göstərilən diqqət və dəstək gənc futbolçuların inkişafında mühüm rol oynayır.

“Viləş PFK” yetirməsi olan Əkrəm Rəhimova gələcək futbol karyerasında uğurlar, yeni nailiyyətlər və böyük zəfərlər arzulayırıq.

Sponsor: “Masallı Electronics” şirkəti.

Qeyd edək ki, Şirkətin rəhbəri Masallı rayonundan olan xeyriyyəçi Ruslan Bağışovdur.