Masallıda rayon İcra başçısı Banbaşı ərazisində şəhid məzarlarını ziyarət etdi
Masallı rayon İcra Hakimiyyətinin başçısı cənab Araz Əhmədov tərəfindən rayon ərazisində şəhid ailələri, müharibə əlilləri və iştirakçılarına göstərilən diqqət və qayğı daim xüsusi nəzarətdə saxlanılır, onların sosial-məişət məsələləri ilə mütəmadi şəkildə maraqlanılaraq mövcud çətinliklərin aradan qaldırılması istiqamətində zəruri tədbirlər həyata keçirilir.
Bu istiqamətdə görülən işlərin davamı olaraq, 06 may 2026-cı il tarixində Banbaşı ərazisinin Böyük Xocavar kəndində keçirilmiş vətəndaş qəbulundan sonra Masallı Rayon İcra Hakimiyyətinin başçısı Araz Əhmədov, başçının birinci müavini Tohid Hüseynov, aparatın Müharibə iştirakçıları və şəhid ailələri ilə işin təşkili sektorunun müdiri Qəşəm Hadıyev, Ərazi-təşkilat məsələləri sektorunun müdiri Nahid Həsənov, ərazi nümayəndəliyinin və bələdiyyənin rəhbər şəxsləri, şəhid ailələri, din xadimləri, media nümayəndələri və rayon sakinlərinin iştirakı ilə şəhidlərin məzarları ziyarət olunmuşdur.
Ziyarət zamanı şəhidlərin xatirəsi dərin ehtiramla yad edilmiş, qəbirüstü abidələrin önünə güllər düzülmüşdür.
Şəhid ailələri göstərilən yüksək diqqət və qayğıya görə Azərbaycan Respublikasının Prezidenti İlham Əliyevə, Birinci vitse-prezident Mehriban xanım Əliyevaya və rayon rəhbərliyinə minnətdarlıqlarını ifadə etmişlər.
