Masallıda uzun illər dövlət qulluğunda səmərəli fəaliyyəti ilə tanınan, I dərəcəli dövlət qulluqçusu, Yeni Azərbaycan Partiyası Masallı Rayon Təşkilatının sədri Seyfəddin Abusət oğlu Əliyevin 54 yaşı tamam olur.

Seyfəddin Əliyev 1 avqust 1972-ci ildə Masallı rayonunun Çaxırlı kəndində anadan olub. Orta təhsilini Çaxırlı kənd tam orta məktəbində başa vurduqdan sonra Azərbaycan Dövlət Neft Akademiyasında ali təhsil alıb. Sonrakı illərdə Azərbaycan Respublikası Prezidenti yanında Dövlət İdarəçilik Akademiyasında təhsilini davam etdirərək dövlət idarəçiliyi sahəsində bilik və bacarıqlarını daha da təkmilləşdirib.

Əmək fəaliyyətinə müxtəlif sahələrdə başlayan Seyfəddin Əliyev 1996-cı ildən etibarən Masallı Rayon İcra Hakimiyyətində məsul vəzifələrdə çalışıb. Fəaliyyəti dövründə ümumi şöbədə müfəttiş, İctimai təşkilatlar və siyasi partiyalarla iş şöbəsində referent, daha sonra isə həmin və digər struktur bölmələrdə şöbə müdiri vəzifələrini icra edib. O, həmçinin Masallı Telekommunikasiya Qovşağında mühəndis, Masallı Rayon Gənclər, İdman və Turizm İdarəsində rəhbər vəzifələrdə çalışıb.

2004–2006-cı illərdə ehtiyatda olan zabit kimi hərbi xidmətdə batareya komandiri vəzifəsini yerinə yetirən Seyfəddin Əliyev Vətənə xidmətini şərəflə davam etdirib.

Uzun illər dövlət idarəçiliyi sahəsində qazandığı zəngin təcrübə, peşəkarlığı və məsuliyyətli fəaliyyəti ilə seçilən Seyfəddin Əliyev hazırda Yeni Azərbaycan Partiyası Masallı Rayon Təşkilatının sədri kimi fəaliyyət göstərir. Onun rəhbərliyi ilə rayon təşkilatında dövlətçilik dəyərlərinin təbliği, gənclərin ictimai-siyasi fəallığının artırılması, şəhid ailələri və qazilərə göstərilən diqqətin gücləndirilməsi, eləcə də milli-mənəvi dəyərlərin qorunmasına yönəlmiş tədbirlər həyata keçirilir.

Səmərəli fəaliyyəti, yüksək idarəçilik bacarığı, dövlətçiliyə sədaqəti və ictimai nüfuzu ilə seçilən Seyfəddin Əliyev Masallı rayonunun ictimai-siyasi həyatında özünəməxsus yer tutan ziyalılardan biridir.

CenubMedia.Az və Cenubunsəsi kollektivi Seyfəddin Abusət oğlu Əliyevi doğum günü münasibətilə səmimi qəlbdən təbrik edir, ona möhkəm cansağlığı, uzun ömür, ailə səadəti və dövlətimizə, xalqımıza xidmət yolunda yeni-yeni uğurlar arzulayır.

Müəllif: CenubMedia.Az kollektivi və Cənubunsəsi internet qəzeti, Mərhəmət Lələyev.