
Azərbaycan Respublikası Prezidentinin müvafiq Sərəncamına əsasən həyata keçirilən “Sağlam məhəllə” layihəsi çərçivəsində Masallı şəhərində qurulmaqda olan idman zonasına baxış keçirilib.

“Şəhərsalma və memarlıq ili” çərçivəsində Mayın 12-də Lənkəran-Astara Regional Gənclər və İdman İdarəsinin rəisi Teymur Babazadə, Masallı rayon İcra Hakimiyyətinin İctimai-siyasi və humanitar məsələlər sektorunun müdiri Abbas Abbaszadə, Memarlıq-tikinti məsələləri sektorunun böyük məsləhətçisi Elşən Abıyev, Masallı Gənclər və İdman İdarəsinin sektor müdiri Sabiq Cahangirov və əməkdaşları ilə birlikdə aparılan işlərlə yerində tanış olub, görülən işlərlə maraqlanıblar.

Ərazidə minifutbol və basketbol meydançaları, stolüstü tennis, şahmat və trenajor avadanlıqları quraşdırılması nəzərdə tutulmuşdur.

Qeyd edək ki, regionda 2023-cü ildə Lənkəranda ilk “Sağlam məhəllə”nin açılışı olmuşdur, hazırda Masallıda Sağlam məhəllə idman zonasının tikintisi yekunlaşmaq üzrədir, növbəti aydan şəhər sakinlərinin istifadəsinə veriləcək.
