Masallıda rayon rəhbəri şəhid anasını doğum günü münasibətilə evində ziyarət edib
01 iyul 2026-cı il tarixində Masallı rayonunun Böyük Xocavar kəndindən olan I Qarabağ müharibəsi şəhidi Bəyalı Məmmədovun anası Tahirə Məmmədovanın 86 yaşı tamam olması münasibətilə Masallı Rayon İcra Hakimiyyətinin başçısı Araz Əhmədov, başçının birinci müavini Tohid Hüseynov və aparatın Ərazi-təşkilat və ictimai-siyasi məsələlər şöbəsi müdirinin müavini, Müharibə iştirakçıları və şəhid ailələri ilə işin təşkili sektorunun müdiri Qəşəm Hadiyev şəhid anasının evində olublar.
Görüş zamanı Tahirə Məmmədova doğum günü münasibətilə səmimi təbrik olunub, ona möhkəm cansağlığı, uzun ömür və firavan həyat arzulanıb. Rayon rəhbəri şəhid ailələrinin dövlətin daim diqqət və qayğısı ilə əhatə olunduğunu bildirərək, bu istiqamətdə həyata keçirilən sosial dəstək tədbirlərinin bundan sonra da davam etdiriləcəyini vurğulayıb. Daha sonra şəhid anasına gül dəstəsi və hədiyyələr təqdim olunub.
Səmimi görüşə və göstərilən diqqətə görə Tahirə Məmmədova Azərbaycan Respublikasının Prezidenti cənab İlham Əliyevə, Birinci vitse-prezident Mehriban xanım Əliyevaya, eləcə də Masallı Rayon İcra Hakimiyyətinin rəhbərliyinə dərin minnətdarlığını ifadə edərək təşəkkürünü bildirib.
