Masallıda rayon rəhbəri Köhnə Alvadı ərazisində şəhid məzarlarını ziyarət etdi
Masallı Rayon İcra Hakimiyyətinin başçısı tərəfindən rayon ərazisində yaşayan şəhid ailələri, müharibə əlilləri və müharibə iştirakçıları daim diqqət mərkəzində saxlanılır, onların sosial qayğıları ilə mütəmadi maraqlanılır, qarşılaşdıqları problemlərin aradan qaldırılması istiqamətində ardıcıl tədbirlər həyata keçirilir.
Bu diqqət və qayğının növbəti təzahürü olaraq, 24 iyun 2026-cı il tarixində Köhnə Alvadı ərazisində keçirilmiş vətəndaş qəbulundan sonra Masallı Rayon İcra Hakimiyyətinin başçısı Araz Əhmədov, rayon icra hakimiyyəti başçısının birinci müavini Tohid Hüseynov, Ərazi-təşkilat və ictimai-siyasi məsələlər şöbəsi müdirinin müavini, Müharibə iştirakçıları və şəhid ailələri ilə işin təşkili sektorunun müdiri Qəşəm Hadiyev, şöbə müdirinin müavini, Ərazi-təşkilat məsələləri sektorunun müdiri Nahid Həsənov, ərazi nümayəndəsi, bələdiyyə sədri, şəhid ailələri, din xadimləri, media nümayəndələri və kənd sakinlərinin iştirakı ilə şəhidlərin məzarları ziyarət olunub.
Ziyarət zamanı şəhidlərin qəbirüstü abidələri önünə tər gül dəstələri düzülüb, Vətən uğrunda canlarını fəda etmiş qəhrəmanların əziz xatirəsi dərin ehtiramla yad edilib, ruhlarına dualar oxunub.
Şəhid ailələrinin üzvləri onlara göstərilən yüksək diqqət və qayğıya görə Azərbaycan Respublikasının Prezidenti cənab İlham Əliyevə, Birinci vitse-prezident Mehriban xanım Əliyevaya və Masallı rayon rəhbərliyinə minnətdarlıqlarını ifadə ediblər.
